إجمالي مرات مشاهدة الصفحة

موضوعات الكتابة على هذه المدونة

30 يونيو (17) أخطاء لغوية (2) أخلاقيات (24) إخوان (24) البرادعي (1) التجديد و المذهب الصيامي (12) السيسي (4) الشرق الأوسط (3) الطب في بلاد الجهالة (2) المذهب الصيامي (20) المفضلة (13) الهيمنة الأمريكية (5) تجديد إسلامي (6) تجديد صيامي (20) تحليل سياسي (67) تدوين و توثيق (16) تربية (5) تصحيح إجتماعي (49) ثقافة إشتباك (45) ثقافة ثورية (45) ثقافة ثورية رد أكاذيب السياسة (2) ثقافة حوار (7) ثورة فكرية (32) جماعات إسلامجية (25) حراك 25 يناير (9) خطايا مبارك (14) خواطر (10) دفع فساد زمن الفتن (42) رابعة (1) رد أكاذيب السياسة (44) رد أكاذيب بإسم الدين (25) رد فتن التاريخ (8) سفاهات العرب (6) سفاهة الديموقراطية (14) سوريا (5) شرح الديكتاتورية (6) ضلالات الخلافة (2) ضلالة وجوب الإحترام اللفظي الزائد (1) طرق تفكير (2) عن الإخوان خطايا و طبيعة (18) عن كرهي للقراءة الطائشة (2) فكر جديد (24) فلسفة (14) فلسفة طبية (1) فهارس المدونة (9) قانون و دستور (2) قصص قصيرة (3) لقاءاتي المتلفزة (4) مصائب العولمة (4) معلومات طبية (1) مقتطفات (4) نظم حكم (5) نقد السلفية (1) نقد العلمانية (1) وجوب الديكتاتورية (2) My articles in english (6)

الاثنين، 3 أكتوبر، 2011

من يحكم مصر؟؟اى واحد عشان ميدان التحرير موجود؟؟

by Ahmad Syiam on Saturday, 09 April 2011 at 11:05البرادعى ..و لا ...الاخوان؟؟ نور ...و لا صباحى؟؟حتاتة ...ولا البسطاويسى؟؟؟

اعتقد اننا اصبنا بعقدة العذراء و الشعر الأبيض:)
ارجوكم بلاش الاستسهال بان نختار حد "شكله كويس" من الموجودين على الساحة ليه ما ندورش على حد ما شفناهوش قبل كده و نسمعله؟ليه لازم يكون عجوز كهنة ؟ شوفوا اوباما و كاميرون و ميدفيديف كله اربعينات!!! و ما كانش حد سمع عنهم و مع ذلك ده لا اثر على القرارات و لا العلاقات الخارجية و لا حاجة....ما تسيبوش البلد لأول واحد معدى . اتعامل مع الموضوع كانك بتجوز بنتك او اختك،هتديها لاول واحد شكله كويس يطلبها؟ولا هاتسأل كتير و تتأنى و تتأكد و تتشرط؟؟؟؟فات الكتير ما بفى الا القليل.
مش طبيعى ان احنا نشوف اى واحد معدى فى الشارع و لو ما عجبناش نوقف حال البلد و نروح ميدان التحرير،الثورة دائما ظرف استثنائى لازالة طاغية لازق بغراء و استنفذت معه كل الوسائل الطبيعية للشكوى او حتى التنحية و ليست اسلوب حياة، لو عملنا ثورة كل ما يجى رئيس "مش مختارينه كويس" نقوم نروح التحرير و نضحى تانى بشهداء او حتى بعطلة الحياة الطبيعية يبقى ان شاء الله هنرجع 100 سنة لورا مع اول رئيسين سكة!!! المرحلة القادمة مرحلة بناء و استقرار،ارجوك ارجع لمثال الزواج اللى انا ذكرته فى الأول،مش معقول تجوز بنتك او اختك لاى حد على اساس ان ممكن تطلقها منه لما يطلع وحش!!!الاستقرار مهم للبناء

طب ننتخب مين؟؟؟ لكل اصدقائى اللى بيقولوا نجيب مين فيه نقطتين:

الأولى: ان احنا عايزين دولة مؤسسات،يعنى كل واحد يحكم فى تخصصه و الرئيس هو مجرد اداة تنسيق، يعنى اى مدير مستشفى كبيرة شوية او مدير ادارة تعليمية بس يكون ذكى و عفيف اليد و قابل للنقاش،صدقونى هيقدر يعملها.

النقطة الثانية:فكرة الخبرة السياسية و الخضرمة هى فكرة روجها الاعلام المضلل للانظمة السابقة لاحتكار الحكم فى كل البلاد العربية، و ده كلام ما لوش اساس من الصحة بدليل ان ان بقانا ستينن سنة بيحكمنا ظباط، و ما كانش ليهم اى علاقة بالسياسة و الحكم، و جمال عبد الناصر حكم مصر و هو رائد عمره اربعة و تلاتين سنة و عمره ما اشتغل حاجة غير ظابط!!!و مع ذلك (سواءا اختلفنا معه او اتفقنا) لا يمكن انكار انه اسس لنظام حكم متشعب و صارم و ادار سياسات خارجية على مستوى العالم مع السوفييت و امريكا و بريطانيا العظمى و دول عدم الانحياز و امريكا الاتينية و كذلك سياسة داخلية عسكرية و اقتصادية مختلفة تماما عن النظام الذى سبقه،،،و حتى اليوم له اتباع لسياساته بكل الدول العربية بعد اكثر من اربعين سنة على وفاته!!!!اعتقد صعب اوى نقول بعد كدة لازم واحد مخضرم

انا رأى لازم (ناس)مش واحد يكونوا اذكياء و عفيفى اليد و ذوو عقلية حوارية و لم يكونوا جزءا من النظام السابق......و اهم من كل هذا يكونوا اقل من اربعين سنة عمرا و لم يشتغلوا بالسياسة من قبل حتى نضمن "بكارة" افكارهم و الحماس للعمل و عدم موت خلايا الدماغ بفعل السن!! و يكون هناك مستشارين تخصصيين لمساعدتهم فى اتخاذ القرارات.

نفسى فى المرحلة الجاية ما اشوفش فى الحكومة و لا فى التلفزيون من اساسه لا واحد اقرع و لا شعره ابيض،،،حتى الكويس منهم،،خلاص شكرا خدتوا وقتكوا و فرصتكوا و ضيعتوها....نفسى اعرف مين الناس اللى طول النهار تحلل و تهلل و تشكر و تعجب و تنصح و توجه الثورة فى التلفزيونات؟؟مييييييييين دووووووول،،فين اصحاب الفرح الاصليين؟؟كل دول كدابين زفة،،،ولا المذيعين اللى بيحاوروهم و غيروا جلودهم بين يوم و ليلة،،،مش عايز اشوف خلقهم تانى،،،عايز اشوف شباب ذكى و واعى و دارس،،،مش مذيعات معينينهم ازواجهم او مذيعين معينهم ابائهم او امن الدولة،،،حد فاكر قضية الرشاوى الجنسية فى التلفزيون المصري من كام سنة لتعيين المذيعات و تخصيص البرامج الكبيرة لمن "تضحى" اكثر؟؟؟؟؟...

و لمن يقول ان عمرو موسى كان منصبة فى الجامعة العربية دور ادارى و ليس سياسي و كان كذلك ايضا عندما كان وزير خارجية مبارك ...اقول لهم اصلا ما كانش حد مطالبه انه يعمل حاجة فى الخلافات العربية،،صحيح دوره ثانوى،،،بس هو ما كانش شغال عامل بوفيه بيسعى على رزق عياله عشان يتمسك بوظيفة المتحدث الرسمى باسم منظمة فاشلة فاسدة،،،،اى انسان يحترم نفسه و تاريخه و مجتمعه لا يسمح لنفسه ان يكون جزءا من عمل مخزى،فما بالك بان يكون عنوانا له.
و هذا المنطق يبرر عمل راقصة الملاهى الليلية و البارمان و الشاويش فرج الذى اغتصب سعاد حسنى فى الكرنك!!!مش كده و لا ايه؟؟؟هما كمان مش اصحاب قرار و لا اصحاب مكان،،،حتى دول فعلا ممكن كانوا بيجروا على اكل عيش عيالهم.

ثم مش اللى "بيمبربه" المثل فى الطهارة ده مش كانت بنته ممسوكة فى قضية مخدرات و "حب"جماعى من عشر سنين تقريبا؟؟

اي حد كان جزء من النظام السابق اما فاسد و قاتل منافق معدوم الشخصية و الضمير،،،،،،،،،،او كان شايف و ساكت فهو شيطان اخرس و معين للظالمين،،،،،،،،،،او ما كانش عارف فهو غافل اعمى البصيرة،،،،،،،،يا ترى ممكن نوع من الثلاثة نأتمنه حتى على رئاسة مراجيح مولد سيدى المهيطل؟؟؟؟؟

هناك تعليق واحد:

  1. الله ينور يا دكتور احمد على المقال الرائع دا .... بس دا ميمنعش ان من الاشخاص اللى انتا حاطط صورهم دول من له القدره على الحوار والتنسيق بين الموءسسات والحفاظ على المكتسبات الدبلوماسيه واقامه علاقات بدول قطعت علاقتنا بهم منذ زمن ومنهم من يتمتع بالمصداقيه والشفافيه وله برنامج واضح وصريح وجرىء.... اما بالنسبه لوجود ميدان التحرير ..التحرير لازم يكون موجود حتى لو جالنا ملاك من السما... دا عنوان لحريه الشعب وهيمنته وان الشعب هو الحاكم الابدى للدوله

    ردحذف