إجمالي مرات مشاهدة الصفحة

موضوعات الكتابة على هذه المدونة

30 يونيو (17) أخطاء لغوية (2) أخلاقيات (24) إخوان (24) البرادعي (1) التجديد و المذهب الصيامي (12) السيسي (4) الشرق الأوسط (3) الطب في بلاد الجهالة (2) المذهب الصيامي (20) المفضلة (13) الهيمنة الأمريكية (5) تجديد إسلامي (6) تجديد صيامي (20) تحليل سياسي (67) تدوين و توثيق (16) تربية (5) تصحيح إجتماعي (49) ثقافة إشتباك (45) ثقافة ثورية (45) ثقافة ثورية رد أكاذيب السياسة (2) ثقافة حوار (7) ثورة فكرية (32) جماعات إسلامجية (25) حراك 25 يناير (9) خطايا مبارك (14) خواطر (10) دفع فساد زمن الفتن (42) رابعة (1) رد أكاذيب السياسة (44) رد أكاذيب بإسم الدين (25) رد فتن التاريخ (8) سفاهات العرب (6) سفاهة الديموقراطية (14) سوريا (5) شرح الديكتاتورية (6) ضلالات الخلافة (2) ضلالة وجوب الإحترام اللفظي الزائد (1) طرق تفكير (2) عن الإخوان خطايا و طبيعة (18) عن كرهي للقراءة الطائشة (2) فكر جديد (24) فلسفة (14) فلسفة طبية (1) فهارس المدونة (9) قانون و دستور (2) قصص قصيرة (3) لقاءاتي المتلفزة (4) مصائب العولمة (4) معلومات طبية (1) مقتطفات (4) نظم حكم (5) نقد السلفية (1) نقد العلمانية (1) وجوب الديكتاتورية (2) My articles in english (6)

الأحد، 7 أبريل، 2013

نصيحة لكل ثائر:إوعى تبقى خروف"عكسي"لأنك هتبقى برضه خروف،لكن كمان من غير بديع بيرعى أومالك بيعلف أوشاطر بيهوهو







* نصيحة لكل أصدقائي المشتبكين في العمل العام :

* السياسة فن ،

- لكن السياسة العالمية فن هابط و مسف ،
- و"الطريقة" الإخوانية دي بيسموها سياسة بس هيا مش كده ،
دي خلطة "كهن" مش ذكاء ، على "دياثة" مش تضحية ، على "طمع" مش طموح ،

و وظيفتها مش زي السياسة إنها "تسايس" مجتمع عشان تديره ، أو "تسايس" دول عشان تتعامل معاها ،

الطريقة الإخوانية دي زي فلاش الكاميرا ، قوي جدا بس ما ينورش بيت ،
و هما أصلاً قاصدين ده لأن هدفهم هو مجرد الوصول للحكم و الإستمرار بغض النظر هيعملوا بيه إيه !
تفكيرهم القاصر بيدور على "التمكين" و راسمينله ميت خطة لحد الوصول للخلافة ،
و مع ذلك عمرهم ما عملوا خطة حقيقية لإستخدام السلطة اللي وصلولها في تحقيق الأهداف اللي هما بيتمنوها !!

- و السبب بسيط : إنهم ناس "أغبياء" ميقدروش ينتجوا فكر أو رؤية لكن بيبدعوا في "الكهن" اللي بيحقق لهم أهداف مؤقتة بنجاح ،


* فلو إنت إتبعت في نشاطك السياسي الطريقة العالمية هتلاقي منتجك السياسي "هابط و مسف أخلاقياً" حتى و لو كان "ناجح عملياً" !

* و لو إنت فكرت "كراجل ثوري" إنك تستخدم طريقة الإخوان و كل اللي عليك بس كمعارض إنك "تعكس" المواقف و الأسماء فتنتج سياسة معاكسة للإخوان لكن بنفس طريقتهم تبقى حضرتك و لا مؤاخذة برضه خروف !!

و مش بس أي خروف ، ده إنت كمان خروف عمرك قصير جداً لإنك محروم من بديع يرعاك أو مالك يعلفك أو شاطر يهوهو على اللي يحاول يجيب رقبتك !


* إنت كراجل ثوري لو خدت الطريقة الإخوانية في التعامل مش بس هتسقط شرعيتك الأخلاقية اللي ما حيلتكش غيرها ،

- لأ دا سيادتك لو خدت الطريقة الإخوانية الغبية في السياسة هتواجه نفس المشاكل اللي بيقع فيها الإخوان "بغبائهم" بس بيعالجوها "بقوتهم" ،
فمتعرفش تطلع إنت يا غلبان منها لإن معندكش نفس القوة :

. هما ممكن بغباء - ميقعش فيه عيل في سنة أولى سياسة - يقولوا على مبارك "أب لكل المصريين" ، و على عمر سليمان "رجل وطني" ، و بعدين يرجعوا يقولوا إنهم سبب خراب مصر ،
و الناس تصدقهم في الحالتين لأن عندهم جيش إعلامي يقنع الناس بأي غباوة في نص رغيف !

. ممكن يحلفوا إنهم مش هينافسوا على كل مقاعد مجلس الشعب و لا هيرشحوا و لا حتى هيدعموا حد للرئاسة ،
و بعدها بأيام يتخلوا عن كل الوعود دي و برضه ينجحوا عشان عندهم فلوس بتشتري بانرات و مؤتمرات دعاية ، و زيت و سكر و أتوبيسات ، و ضمائر قضاة و سياسيين !

. هما ممكن يمجدوا في البرادعي و حمدين لما يكون ده في مصلحتهم ،
و بعدين يشيطنوهم لما يبقوا واقفين قدام طموحاتهم بإسم أي حاجة في الدين ،
و ده طبعا عشان كل خصوم الإخوان كانوا بالعبط الكافي لأنهم يسيبوهم يحتكروا الدين في عقول المجتمع !


* لكن إنت نجاحك الوحيد في السياسة "كثائر" علشان تنافس الفلول "المحنكين" و الإخوان "الأفاكين" إنك تصنع سياسة "ذكية" لكن كمان "نضيفة" ،

- كسر في خصومك و إعملهم كماين و ألغام سياسية و إستغل أزماتهم ،
بس من غير ما تكذب ، و لا تخون عهد ، و لا تسرق حق غيرك ،

- حور و ناور في الكلام،
بس ما تاخدكش الجلالة فتأفور و تهلفط بحاجة تتمسك عليك في المستقبل و إنت مش قدها ، أو تناقض بيها حاجة إنت قلتها قبل كده !


* بص يا صاحبي : الهري اللي فوق ده كله عشان موضوع قديم و مستمر ، و موضوع طازة و سخن :

المجلس العسكري ، و عم الحاج أحمد الطيب !

واضحة الرسالة و لا نقول كمان ؟!






ليست هناك تعليقات:

إرسال تعليق