لا يمكن لثائر ان ينصر مستبداً على رفيق ثورته حتى و لو خالفه التوجه

فى فرق انك تسمع لواحد و بعدين تقول رأيك...

و بين انك تؤمن بافكار شخص و تتبعه....الفرق كبير .

 خصوصاً اذا كان هذا الشخص اصلاً مطلبش من  حد يتبعه؟؟؟؟

 علاء عبد الفتاح ليه اراء و بيعلنها و لك الحق فى نقدها و طرح غيرها....انا شخصيا لا اتفق معه .... لكن المقصد انه قبض عليه فى قضية رأي و يجب على الجميع التكاتف ضد ذلك.

لأنه ببساطة لو انت اتبسطت انه اتقبض عليه النهاردة علشان انت مختلف معاه .... ايه اللى يضمنلك ان اهواء الحاكم تتغير بكره و يقبض عليك انت و يفرج عنه هو ..... هو ده لب مناهضة الحبس فى قضايا الفكر .... الفكر يرد عليه بالفكر و الفكر الأقوى ينتصر ان لم يكن بفهم الناس ،، فبإرادة الله.

____________________

انا كفرد احترم تفكيرى ايه اللى يهمنى فى تحليل نوايا الآخر ؟؟

من "يبدى" الاتفاق معى فأهلا وسهلا ، و من يختلف بالأصول فأهلا و  سهلا ،،

و من يتآمر على و ثبت عليه ذلك فلياخد باله من نفسه لأن عياله عايزينه ،،

و من اضرنى عن غير قصد فله النصيحة ،،ثم ان لم يدفع اذاه فبرضه يخاف على نفسه ..

 و فى كل الأحوال المسلم كيس فطن ... حرص و لا تخونش ..... و ما تديش ظهرك الا للى مآمنله ... و ما تآمنش الا للى بيخاف ربنا و بيحبك .... و بس ... سهلة ..... ما تعقدوهاش