إجمالي مرات مشاهدة الصفحة

موضوعات الكتابة على هذه المدونة

30 يونيو (17) أخطاء لغوية (2) أخلاقيات (24) إخوان (24) البرادعي (1) التجديد و المذهب الصيامي (12) السيسي (4) الشرق الأوسط (3) الطب في بلاد الجهالة (2) المذهب الصيامي (20) المفضلة (13) الهيمنة الأمريكية (5) تجديد إسلامي (6) تجديد صيامي (20) تحليل سياسي (67) تدوين و توثيق (16) تربية (5) تصحيح إجتماعي (49) ثقافة إشتباك (45) ثقافة ثورية (45) ثقافة ثورية رد أكاذيب السياسة (2) ثقافة حوار (7) ثورة فكرية (32) جماعات إسلامجية (25) حراك 25 يناير (9) خطايا مبارك (14) خواطر (10) دفع فساد زمن الفتن (42) رابعة (1) رد أكاذيب السياسة (44) رد أكاذيب بإسم الدين (25) رد فتن التاريخ (8) سفاهات العرب (6) سفاهة الديموقراطية (14) سوريا (5) شرح الديكتاتورية (6) ضلالات الخلافة (2) ضلالة وجوب الإحترام اللفظي الزائد (1) طرق تفكير (2) عن الإخوان خطايا و طبيعة (18) عن كرهي للقراءة الطائشة (2) فكر جديد (24) فلسفة (14) فلسفة طبية (1) فهارس المدونة (9) قانون و دستور (2) قصص قصيرة (3) لقاءاتي المتلفزة (4) مصائب العولمة (4) معلومات طبية (1) مقتطفات (4) نظم حكم (5) نقد السلفية (1) نقد العلمانية (1) وجوب الديكتاتورية (2) My articles in english (6)

الثلاثاء، 20 سبتمبر، 2011

ساويرس


 by Ahmad Syiam on Monday, April 4, 2011 at 10:33am

نفسى الناس تفرق انى دلوقتى باهجم على ساويرس مش المسيحيين اللى هما اخواتى و اصحابى..........
بهجم على ساويرس ليه.....هقولوكوا حاجتين حاولوا منهم تفهموا قصدى....بس قبلهم هقول :لو ساويرس بذل اقصى جهده لفك اسر موظفيه المصريين المحتجزين فى العراق يشكر....بس تقدر تقولى ايه اللى خلاه يروح العراق تحت الاحتلال اصلا و يرمى بالناس دى فى التهلكة فى ظل حرب،، مع انه اعلن انه لن يزور المقدسات المسيحية فى القدس تحت الاحتلال الاسرائيلى؟؟؟؟................................................
نرجع تانى الحكاية الأولانية:
فى واحد زى ساويرس كده كلنا "كمصريين"بنكرهه و اسمه احمد عز،،،،انا بكره الاتنين مش بس من منطلق الحسد:):)لكن كمان لأن هما "الاتنين" كونوا ثرواتهم فى ظل نظام فاسد بيديهم الأراضى بملاليم و يتغاضى عن ضرائبهم و يفصل قوانين احتكارية لهما فى الحديد و الاتصالات و كلنا فاكرين التاريخ الاحتكارى لموبينيل اللى نهبتنا كلنا كمصريين....نرجع للحكاية: واحد من امثال الأتنين دول و اسمه محمود خميس"اخو صاحب النساجون الشرقيون و حاجات تانية كتيييييييير"قرر انه يرشح نفسه فى الانتخابات عن دائرة لم يولد او يعيش فيها و لكنها الدائرة التى من اهلها اكثر عمال مصانعه!!! وهى دائرة بلبيس بالشرقية......ابتدى بتنظيف المدينة و صيانة مرافقها بامكانياته المادية المهولة و التى لم يستطع احد منافسته فى نفس الاسلوب ثم عين كثير من شباب المدينة بمصانعه ثم فرش جميع مساجد المدينة بسجاد النساجون مع انه اصلا سكير معلوم السكر و لا يفقه شىء لا فى الدين و لا السياسة و لا حتى الصناعة فهو كان فقط شريك اخوه اللص الأكبر،،،،،،وفى احد الأيام طلب مقابلتى "حيث اننى كنت معروفا بين مجموعة كبيرة من قرى المدينة و تبنيت مشروع بناء مستشفى تابع لوزارة الصحة يخدم هذه القرى" و كنا قد فعلا وفرنا الأرض بالجهود الذاتية،،،،لكنى رفضت مقابلته و اصررت ان يكون اللقاء عاما يحضره عمد القرى حتى يلتزم بما يعد...و فعلا تم و قطع على نفسه عهدا ببناء المستشفى على نفقته و عطل الأمر حتى انتخبه اهل القرى و لم يبن شيئا بل اكتفى بفرش مساجد تلك القرى بسجاد جديد!!!!!طبعا كسب لأنه كان مظبط مع عمو عز و دفع الاتاوة...و اصبح النائب عن مدينتى سكير و حرامى و لا يستطيع ان يكون جملتين مفهومتين عشان اطعم الأفواه و فرش الجوامع!!!!هل تريدون هذا بعد 25 يناير؟؟؟؟لماذا اذكر هذا؟؟الدرس المستفاد ان اولئك الغيلان اللذين يستحيل ان يكونوا كونوا ثرواتهم من حلال"سواء بناءا على تشريعات الاسلام او المسيحية" بالتأكيد لا يعنون الا بأمر انفسهم و ان كان ساويرس يعطى الأموال للكنيسة"مثل خميس" فاعلم انها محسومة من ضرائبه و لشراء مكانه بها،،،و ان كان يعين رعايا الكنيسة فليس من اجل العقيدة بل لأنه "كده كده هيعين ناس..فليه ما تبقاش بجميله؟؟!!"..................................................
الحكاية التانية:
لى قريب من الدرجة الأولى (كان ذو منصب رفيع بالدولة و الأن ايضا بالقطاع الخاص)كان يعمل مع نجيب منذ ان كانت شركته عبارة عن غرفة بها ست مكاتب فى 1993 وحتى اصبحت موبينيل ما هى عليه الأن و هو يتدرج فى المناصب حتى وصل الى منصب ما و فوجىء بنجيب يشكره على خدماته و عند السؤال عن السبب (لأن قريبى هذا بجانب الخبرة الطويلة يحمل 2 دكتوراه فى الاتصالات و الادارة) فرد نجيب"المنصب ده ما ينفعش يمسكه مصري"!!! و فعلا جاب واحد فرنساوى!!!!شفتوا ولاءه لمين؟؟ مش المسيحيين و مش مصر و مش اللى كبروه و ساعدوه،،،،الولاء للمال فقط لأن هذا كان شرط شركة اورانج الفرنسية الشريكة له!!!!!!!!و حكى لى قريبى هذا بعدها كيف ان نجيب كان مسؤلا عن توزيع المعونة الأمريكية"الاقتصادية" لمصر كلها بين عصابة الحرامية الكبار و طبعا هو له نصيب الأسد....................................................................
يا ريت لو حد عنده مقاطع لقناته "العرة"و مذيعيها "الكسر" يرفعها،،كلنا فاكرين القناة دى قبل الثورة كانت بتقول ايه!!حاجة بجد تقرف...(لكن الحق يقال ان كفاها فخرا المقابلة بين الأسواني و شفيق و التى و ان كانت من محض الصدفة و لكنها خلصتنا من هم تقيل)......بذمتك لو انت مكانه و معادش فيه جيمي يسندك و لا زبانية وطنى يظبطوك فى مقابل الاتاوة،،،و لا قناة الناس بتحترمها عشان تخش من خلالها،،ولا هتاخد المعونة الأمريكية و توزعها ،،،و لا هتعرف تسرق تانىو مش عايز الناس تحاسبك على موقفك فى بداية الثورة،،،يبقى اعمل زى "خميس" و خلى الناس تدعيلك فى الكنيسة و لو قاتلى انه من زمان و هو مع الكنيسة هرد و اقولك اقرأ الحكاية رقم واحد.....................................................................................................

ارجوكم لا تلتفوا حوله فقط لأنه مسيحي،،شوفوا  

مسيحى تانى نظيف او احسن خلونا كلنا نلتف حول "مصرى"جدير بالاحترام





http://www.youtube.com/watch?v=2PU_jUCWnDs

ليست هناك تعليقات:

إرسال تعليق