فتنة اللحية وثمنها الباهظ في مقابل الإلتزام بما قد يعتقده بعض الناس فرضاً وبعضهم سنة رغم أن الجميع تارك لفروض وسنن أهم منها بكثير!

https://www.facebook.com/groups/127421500664628/permalink/494982847241823

من ينكر أن اللحية (طولها و وجودها من عدمه) أصبحت فتنة في مجتمعنا من أكثر من عقدين كاملين حتى وصلت اليوم إلى فتنة الضرب و ربما القتل على اللحية فهو إما أعمى أو مكابر ،،

لو لا تصدق فقط تذكر : (إستخدام اللحية في شركات توظيف الأموال ، ثم في إرهاب التسعينات ، ثم في الأنشطة التجارية و إحتكار المنابر و تحيز "الملتزمين" ليعضهم ، ثم في الأمس القريب في السياسة و برلمان 2012 الذي كان النجاح فيه مرتبطاً بطول اللحية ، ثم اليوم تقسيم المجتمع لفريقين ملتحي و غير ملتحي ربما يقتل كل منهما الآخر كرهاً أو تحيزاً لأصحاب اللحى في السلطة !)

اليوم هي فتنة بلا مواربة ،، حتى لو كنت تراها سُنة ، أو تطرفت لتعتبرها فرضاً فهي اليوم فتنة ،،

________________________

* فلو شايف اللحية فرض :

- لما تكون خلصت فروض طلب العلم ،

- و السعي في الأرض لتدبر آثار الأولين ،

- و فروض صلة الأرحام و رعاية الأيتام و إطعام المساكين ،

- و فرض الجهاد في سبيل الله و نصرة المستضعفين ،

- و فرض الدعوة لدين الله بين الناس ،،

إبقى كمل فرض إطلاق اللحية !!

________________________

* و لو شايف إنها سنة :

- فأذكرك أن عقلاء السلف قالوا أنه لو أصبح في أداء سنة ما فتنة تقسم الناس كان تركها واجباً (أي فعلها حرام) !!

- لما تخلص سنن الصلوات (12ركعة يومياً) ،

- و تخلص سنن الصيام (إتنين و خميس ، الأيام البيض مثلاً) ،

- و تخلص سنن الزكاة (الصدقات) ،،

إبقى كمل سنة إطلاق اللحية !!

________________________

* لو مش شايفها سنة و لا فرض و شايفها حرية شخصية و برضه مش راضي تحلقها دفعاً للفتنة فأنصحك ما تحلقهاش ،،

أنا أصلاً مش هبقى حزين قوي إن حد بالغباء ده غباؤه يضره !!

________________________

* و بالمناسبة برضه يا ريت القساوسة اللي دقونهم لحد بطونهم يشوفولهم حل هما كمان ،

أو يفضلوا في البيوت أو الكنائس و ما يختلطوش بالناس في الشوارع مش ناقصة فتن هيا عشان دي هتبقى فتنة دوبل لو حصلت !!

________________________

ملحوظة : عضو التفكير في الآدميين هو "المخ" فلا تحاول إستخدام أي عضو آخر في فهم ما سبق للإقتناع به أو نقده !!

https://www.facebook.com/anameshhatgwzelamontaqpa

https://www.facebook.com/pages/%D8%A7%D9%86%D8%A7-%D9%85%D8%B4-%D9%87%D8%AA%D8%AC%D9%88%D8%B2-%D8%A5%D9%84%D8%A7-%D9%85%D9%84%D8%AA%D8%B2%D9%85%D8%A9-%D9%85%D9%86%D8%AA%D9%82%D8%A8%D8%A9-%D8%A7%D9%86%D8%A7-%D9%84%D8%A7-%D8%A3%D9%82%D8%A8%D9%84-%D8%A7%D9%84%D8%A7-%D8%A8%D8%B2%D9%88%D8%AC-%D9%85%D9%84%D8%AA%D8%B2%D9%85-%D9%85%D9%84%D8%AA%D8%AD%D9%89/476564162414291