by Ahmad Syiam on Monday, February 21, 2011 at 10:38am
لكل اصدقائى اللى بيقولوا نجيب مين فيه نقطتين:
الأولى ان احنا عايزين دولة مؤسسات،يعنى كل واحد يحكم فى تخصصه و الرئيس هو مجرد اداة تنسيق، يعنى اى مدير مستشفى كبيرة شوية او مدير ادارة تعليمية بس يكون ذكى و عفيف اليد و قابل للنقاش،صدقونى هيقدر يعملها
النقطة الثانية:فكرة الخبرة السياسية و الخضرمة هى فكرة روجها الاعلام المضلل للانظمة السابقة لاحتكار الحكم فى كل البلاد العربية، و ده كلام ما لوش اساس من الصحة بدليل ان ان بقانا ستينن سنة بيحكمنا ظباط، و ما كانش ليهم اى علاقة بالسياسة و الحكم، و جمال عبد الناصر حكم ممصر و هو رائد عمره اربعة و تلاتين سنة و عمره ما اشتغل حاجة غير ظابط!!!و مع ذلك اسس لنظام حكم متشعب و صارم و ادار سياسات خارجية على مستوى العالم مع السوفييت و امريكا و الهند و بريطانيا العظمى و دول عدم الانحياز و امريكا الاتينية و كذلك سياسة داخلية عسكرية و اقتصادية مختلفة تماما عن النظام الذى سبقه،،،و حتى اليوم له اتباع لسياساته بكل الدول العربية بعد اكثر من اربعين سنة على وفاته!!!!!!!!!!!!!!!!!!!!!!!!!!!اعتقد صعب اوى نقول بعد كدة لازم واحد مخضرم
انا رأيى لازم (ناس)مش واحد يكونوا اذكياء و عفيفى اليد و ذوو عقلية حوارية و لم يكونوا جزءا من النظام السابق......و اهم من كل هذا يكونوا اقل من اربعين سنة عمرا حتى و لم يشتغلوا بالسياسة او يدرسوها من قبل و يكون هناك مستشارين تخصصيين لمساعدتهم فى اتخاذ القرارات
ليست هناك تعليقات:
إرسال تعليق