by Ahmad Syiam on Friday, February 18, 2011 at 4:50am
صحيح مش هنراجع ملفات كل المصريين خلال ثلاثين سنة.بس فى حاحتين:كل واحد كان جزء من سلسلة ادت الى ظلم او قهر او قتل او سرقة لازم يتحاكم و أولهم كل اجهزة الشرطة(ولكم فى القصاص حياة يا اولى الألباب)ء.
وثانيا ما حدش ياخد اى منصب قيادى و لو حتى رئيس حى من الناس اللى كانوا جزء من النظام القديم. و صدقنى هنلاقى ناس كتير يكفوا لحكم مصر من القمة للقاع و البلاد اللى جنبنا كمان ممكن يبعتوا تاشيرات وزير او سفير من اللى هيفيض فى مصر من الكفاءات القيادية الحقيقية
الله على طعم الحرية
ارجوكم بلاش الاستسهال بان نختار حد شكله كويس من"الموجودين"الاجل ده مش كانت بنته ممسوكة فى قضية مخدرات و "حب"جماعى من عشر سنين تقريبا؟؟ليه ما ندورش على حد ما شفناهوش قبل كده و نسمعله؟ليه لازم يكون عجوز كهنة؟شوفوا اوباما و كاميرون و ميدفيديف ...كله اربعينات!!!و ما كانش حد سمع عنهم و مع ذلك ده لا اثر على القرارات و لا العلاقات الخارجية و لا حاجة.ما تسيبوش البلد لأول واحد معدى.اتعامل مع الموضوع كانك بتجوز بنتك او اختك،هتديها لاول واحد شكله كويس يطلبها؟ولا هاتسأل كتير و تتأنى و تتأكد و تتشرط؟؟؟؟فات الكتير ما بفى الا القليل
نفسى فى المرحلة الجاية ما اشوفش فى الحكومة و لا فى الالتلفزيون من اساسه لا واحد اقرع و لا شعره ابيض،،،حتى الكويس منهم،،خلاص شكرا خدتوا وقتكوا و فرصتكوا و ضيعتوها و سبتوا البلد تتباع قطاعى،و دايونتونا احنا و احفادنا لطوب الأرض .
مين الناس اللى طول النهار تحلل و تهلل و تشكر و تعجب و تنصح و توجه الثورة فى ...التلفزيونات؟؟مييييييييين دووووووول،،فين اصحاب الفرح الاصليين؟؟كل دول كدابين زفة،،،ولا المذيعين اللى بيحاوروهم و غيروا جلودهم بين يوم و ليلة،،،مش عايز اشوف خلقهم تانى،،،عايز اشوف شباب ذكى و واعى و دارس،،،مش مذيعات معينينهم اجوازهم او مذيعين معينهم ابهاتهم او امن الدولة،،،حد فاكر قضية الرشاوى الجنسية فى التلفزيون المصري من كام سنة؟؟؟؟؟
امتى بقى نعرف اسراار القضايا اللى كانت بتتقفل كده من غير ما نفهم اى حاجة؟؟؟حد فاكر البطوطى و طائرة مصر للطيران فى امريكا؟؟ قطر الصعيد،،،العبارات،،،القمح الفاسد،،،نواب القروض و القمار و التجنيد و قرارات العلاج على نفقة الدولة؟؟؟؟توشكى ،،،مشروع ابنى بيتك،،الصندوق الاجتماعى للتنمية،،المبيدات المسرطنة،،،،رشوة المرسيدس،،،،و النبى اللى فاكر حاجة تانى يقولى اصل انا نفسى نسيت .
اي حد كان جزء من النظام السابق اما فاسد و قاتل منافق معدوم الشخصية و الضمير،،،،،،،،،،او كان شايف و ساكت فهو شيطان اخرس و معين للظالمين،،،،،،،،،،او ما كانش عارف فهو غافل اعمى البصيرة،،،،،،،،يا ترى ممكن نوع من التلاتة نأتمنه حتى على رئاسة مراجيح مولد سيدى المهيطل؟؟؟؟؟
ليست هناك تعليقات:
إرسال تعليق